حماتي _ حامل ازاي يا نن عين امك. جوزك مسافر بقالو 6 شهور فرح _ والله يا حماتي ما عارفه ما علي يدك هو انا بخرج من البيت خالص ولا بروح في حته حماتي _ اخرسي مش عايزه اسمع صوتك خالص لما نشوف اخرتها وقبل ما نبدا الحكايه اعرفكم بنفسي أنا.فرح اتجوزت واحد جار خالتي لاني من بعد ما ابويا وامي راحوا مكنش ليا حد غيرها وبعد جوازي بشهر كنت وافقه في الاوضه بحضر شنطه جوزي جمال ودخل وقالي
جمال _ لسه مخلصتيش الشنطه يا حبيبتي ولا ايه انا لازم امشي دلوقتي يحيي صاحبي واقف تحت فرح _ خلاص اهو فاضل احط حاجات بسيطه بس ما تعرفش انت هتوحشني قد ايه يا جمال والله جمال _ ربنا يخليكي ليا يا حبيبتي وما يحرمني منك ابدا بس المهم الفتره دي انا عايزك تقعدي مع بابا وماما تحت مش هينفع تقعدي في شىقتنا هنا لوحدك فرح _ ربنا يخليك ليا بس انا كنت عايزه موبايل علشان خاطر اعرف اكلمك منه
جمال _ لو طلبت موبايل ماما مش هتقولك لا احنا شرطين من قبل الجواز ولا في موبايل ولا انترنت ولا اي حاجه فرح _ انا بس يا حبيبي مكسوفه ان كل ما اعوز اكلمك هطلب منها التليفون على العموم ما فيش مشكله هاجي معاك المطار صح جمال _ لا مش هينفع لان اللي هيوصلني يحيى صاحبي هترجعي معاه لوحدك ولا ايه وطول ما انا مسافر ما فيش من الخروج من البيت خالص حتى السوق لو عوزتي اي حاجه ماما تبعت تجيبها
انتي متخرجيش فرح _ اللي تشوفه يا حبيبي يحصل، وعلشان كنت بحبه مكنتش بقولوا لا علي حاجه خالص وبعدها نزلنا وكانت حماتي قاعده وجوزها توفيق وحمايا قال الحما _ مش كنت قعدت شهرين ولا ثلاثه كمان علشان عروستك يا حبيبي ده انتو لسه متجوزه مبقالكوش شهرين حماتي _ وهو لما يقعد جنب الغندوره مين اللي هياكلهم ويشربهم ان شاء الله يسافر يشوف اكل عيشه اول ب اول تبعت ليا الفلوس علشان اجهز اختك يا حبيبي انت عارف
انها قربت تتجوز جمال _ اكيد يا ماما اشوف وشكم بخير انا لازم اخرج عشان يحيى في العربيه بره اوعي تزعلي ماما يا فرح فرح _دي ماما دي في عيوني والله ربنا يخليها ليا وفي يوم كنت نايمه في الاوضه بتاعت مروه اخت جمال ودخلت حماتي وقالت حماتي _ ما تقومي بقى يا فرح خلاص بقينا الظهر يلا يا حبيبتي قومي طلعي الحاجه من الفريزر عشان تبداي تعملي الاكل وانا
مروه _على ماما هقولها بس انا واثقه ان هي مش هتوافق لاني جمال محرج انك تخرجي من البيت طول ما هو مش هنا وهي بتسمع
كلامه اوي فرح _ مش فاهمه ليه بس والله رافض مبدا الخروج ده مع اني هخرج معاكي ومع مامتك يعني مروه _ قومي قومي يلا بس ناكل الاول بعد كده اوريكي الحاجات ونبقى نشوف الموضوع ده بعدين وفعلا قومت وفضلت تعبانه كده فتره وحماتي جابت اختبار حمل وكانت وافقه مستنيه وخرجت قولتها وفي الوقت ده حماتي كانت وافقه وقالت حماتي _ ها فرحي قلبي يا بت وقولي ليا انك حامل فرح _ لسه ربنا مش كاتب يا حماتي الحمد لله علي كل شي
حماتي _ ومالو يا بنتي ربنا يكتبلك الصالح.باذن الله مش رايد دلوقتي ممكن يريد السنه الجايه وجت مروه وقالت مروه _ يا ماما الحقي خاله حمزه خطيبي راحت وهما مسافرين ينفع اسافر معاهم نعمل الواجب يعني حماتي _ لا حول ولا قوه الا بالله اللبىسي يا بنتي وخلينا نروح فرح _ هما منين يا حماتي حماتي _ من الشرقيه المهم لما حماكي خدي بالك منه ده مريض يا بنتي ولازم ياخد دوا فرح _ في عيوني يا ماما والله حاضر وبعدها
مشيوا وكنت قاعده ولقيت حمايا خرج من الاوضه وقالي الحما _ مالك قاعده كده ليه يا بنتي وقافله التلفزيون مش بتتفرجي علي حاجه فرح _ اعمل اي التليفزيون ممل اوي والله ومش عايزه اتفرج عليه الحما _ طيب واللي يخرجك خروجه تحلفي بيها عمرك كله تعملي ليه اي بقي،وانا قومت وقفت وقولت فرح _ يا خبر انت بتتكلم بجد يا بابا والله العظيم انا بحبك اوي الحما _ بس اوعي تقولي لحماتك أننا خرجنا يلا روحي اللبىسي وانا من فرحتي روحت
جنبه وىوسته في خدو فرح _ والله ما هقول لحد ربنا يخليك ليا يارب وبعدها دخلت لبىست بسرعه وخرجت انا وهو ولقيته راح عند سنترال فرح _ اي يا بابا هو انت عايز تشحن ولا اي الحما _ لا عايزك تدخلي تنقي احلي موبيل بس اسمعي اوعي حد يشوفه معاكي وانا كنت طايره من الفرحه علشان حاسه ان الحاجه اللي محرومه منها، وفي الوقت ده انا فرحت اوي وقولت ليه فرح _ معقول انا هشيل الموبيل اخيرا
